அங்காடித்தெரு படத்திற்கு பிறகு, வசந்தபாலனின் இயக்கத்தில் விரைவில் வெளிவர இருக்கும் படம் அரவான். ஆதி, பசுபதி, பேராண்மை தன்ஷிகா உள்ளிட்ட பலர் நடித்துள்ள இப்படம், 18ம் நூற்றாண்டை மையப்படுத்தி எடுக்கப்பட்டுள்ளது. வசந்தபாலனின் வேண்டுகோளுக்கு இணங்க படத்தில் ஒரு சிறிய ரோலில் நடிகர் பரத்தும், அஞ்சலியும் சேர்ந்து நடித்துள்ளனர். இதுகுறித்து அஞ்சலி கூறுகையில், தமிழ் சினிமாவில் நான் இந்த நிலைமைக்கு வர காரணமே வசந்தபாலன் சார் தான். அரவான் படத்தில் ஒரு சிறிய ரோலில் நான் நடித்துள்ளதை பெருமையாக கருதுகிறேன். அரவான் படம் மட்டுமல்ல, இனி அவர் அடுத்து இயக்கபோகும் எல்லா படத்திலும் நான், ஒரு சின்ன ரோலிலாவது நடித்து விட வேண்டும் என்றார்.
இதனிடையே எங்கேயும் எப்போதும் படத்தின் வெற்றியை தொடர்ந்து மீண்டும் பாக்ஸ் ஸ்டார் கம்பெனியில் இருந்து அஞ்சலிக்கு நடிக்க வாய்ப்பு வந்துள்ளதாகவும், இந்தபடத்தில் அஞ்சலிக்கு ஜோடியாக முருகதாஸின் உறவினர் கிங்ஸ்லி நடிக்க இருப்பதாகவும் ஒரு பேச்சு அடிபடுகிறது.
